میرا حسین باغ نبوت کا پھول ہے​

​

میرا حسین باغ نبوت کا پھول ہے​

حیدر کی اس میں جان ہے خون بتول ہے​

​

آل نبی کا پیار ہے ایماں کی زندگی​

ان سے نہیں پیار تو سب کچھ فضول ہے​

​

دنیا میں اور کون ہے شبیر کے سوا​

ایسا سوار جس کی سواری رسول ہے​

​

ایسی عظیم ذات ہے آقا حسین کی​

جس کے لیے رسول کے سجدوں میں طول ہے​

​

جس کے لیے یزید نے کتنے ستم کیے​

وہ تاج تو حسین کے قدموں کی دھول ہے​

​

جو جی میں آئے ان کے گھرانے سے مانگ لے​

مالک یہ سب جہان کی آل رسول ہے​