اے کہ ترے وجود پر خالقِ دو جہاں کو ناز ۔۔۔ نواب بہادر یار جنگ

اے کہ ترے وجود پر خالقِ دو جہاں کو ناز​
اے کہ ترا وجود ہے ۔۔۔وجہِ وجودِ کائنات​
اے کہ ترا سرِ نیاز ۔۔۔۔۔ حدِّ کمالِ بندگی ​
اے کہ ترا مقامِ عشق قربِ تمام عینِ ذات​
خوگر بندگی جو تھے تیرے طفیل میں ہوئے​
مالکِ مصر وکاشغر ۔۔۔ وارثِ دجلہ وفرات​
تیرے بیاں سے کھل گئیں، تیرے عمل سے حل ہوئیں ​
منطقیوں کی اُلجھنیں ،فلسفیوں کی مشکلات​
مدحتِ شاہ دُوسَراؐ، مجھ سے بیاں ہو کس طرح ​
تنگ میرے تصورات، پست میرے تخیلات​
نواب بہادر یار جنگ