جو رک سکیں نہ زمانے کے ناخدائوں سے

جو رک سکیں نہ زمانے کے ناخدائوں سے
زمانہ آج بھی گونجا ہے اُن صدائوں سے

یہ کربلا میںملا درس پیشوائوں سے
خدا ہو ساتھ تو کیا ڈر ہے ناخدائوں سے

Urdu Naat Lyrics

زمانے والو سمجھ لو حسینیت کے چراغ
نہ بجھ سکیں گے قیامت تک ان ہوائوں سے

یہ کربلا میں ہوا فیصلہ قیامت تک
وفا کی جیت رہے گی سدا جفائوں سے

حسین ؑ ابن علیؑ تیرے خون کی خوشبو

ابھی کچھ اور بھی آئے گی ان فضائوں سے

کٹا کے ہاتھ بھی دریا پہ کر گئے پورا
کیا تھا عہد جو عباسؑ نے وفائوں سے

Urdu Naat Lyrics

 

ترائی چھین کے عباسؑ نے لیا پانی
ملی ہے فتح یہ زینب ؑ تیری دعائوں سے

بلند اب بھی جہاں میں ہے پرچم عباسؑ
جفائیں بیٹھ گئیں ہار کر وفائوں سے

یزید تین سو پینسٹھ خدائوں کے بندے
بچی نہ تیری حکومت تیرے خدائوں سے

زباں پہ ثانی حیدر کا ذکر ہے جو سلیمؔ
وہ بخشوائیں گے تجھ کو سبھی خطائوں سے
٭٭٭