Best Wall Stickers

سنگ در بھی ترا شہر جاں بھی ترا


سنگ در بھی ترا شہر جاں بھی ترا

لب پہ اعجاز لفظ و بیاں بھی ترا


مرے احساس کی تازگی بھی تری

خوش یقینی بھی تیری گماں بھی ترا


میرے جذبات کی سرزمیں بھی تری

فکر و اظہار کا آسماں بھی ترا


سب نبات خیال و نظر بھی ترے

حرف شیریں بھی قند زباں بھی ترا


دشت میں دھوپ کی شعلگی بھی تری

برگِ سرسبز کا سائباں بھی ترا


بحر میں کشتی زندگی بھی تری

تیرا پتوار بھی‘ بادباں بھی ترا


حرف و افکار‘ آدابِ فن بھی ترے

نکتہ رس شاعر خوش بیاں بھی ترا

ظہیرؔغازی پوری  ہزاری باغ



سنگ در بھی ترا شہر جاں بھی ترا سنگ در بھی ترا شہر جاں بھی ترا Reviewed by WafaSoft on July 26, 2019 Rating: 5

No comments:

Powered by Blogger.