حلیمہ ؓ جلد عبدالمطلب کے پاس لوٹ آئی

آنحضرتؐ کے بچپن کی برکات

حلیمہ ؓ جلد عبدالمطلب
کے پاس لوٹ آئی

وہ اس کو لے کے گھر
پہنچے کتاب نور دکھلائی

جو دیکھا آمنہؓ کو آمنہؓ
کے لال کو اس نے

خوشی سے تج دیا دنیا کے
جاہ و مال کو اس نے

یہی وہ ماں تھی جس سے مادرِ
 گیتی کی عزت تھی

یہی بچہ تھا جس سے خالقِ
 ہستی کی عظمت تھی

حلیمہ نے اُٹھایا آ کے بچہ
دستِ  اُلفت پر

برستا تھا تبسم سادگی
بن بن کے صورت پر

کسی نے بھی نہ پائی تھی
وہ دولت مل گئی اُس کو

جو تھی معنی ہی معنی اب
وہ صورت مل گئی اس کو

چلی ڈیرے کی جانب آج ایسے
نور کو لے کر

مہ و خورشید صدقے ہو رہے
تھے جس کے قدموں پر

پلایا دودھ اس طفل کو
تو ہو گئی حیراں

کہ چھاتی بن گئی دودھ کی
اک نہر بے پایاں

 

یہ برکت روزِ  اول ہی دیکھی جب حلیمہ نے

ہوئی حیران ، اندیشے مٹائے
سب حلیمہ نے

کیا سیراب اپنے دودھ سے
اپنے پسر کو بھی

سُلا کر دونوں بچوں کو
خوشی سے خود بھی جا سوئی