کئی انداز میں حضرت تمہاری

کئی انداز میں حضرت تمہاری
خدا کرتا ہے خود مدحت تمہاری
قرآن پاک میں ہے یہ منقش
ہر ایک عالم میں ہے رحمت تمہاری
اجل آئے اگر تیرسٹھ برس میں
ادا ہو جائے سنت تمہاری
بتادوں زندگی کا فلسفہ میں

Urdu Naat Lyrics, Naat with Lyrics | Naat Lyrics Urdu | Naat Lyrics a to z

عمل کی جان ہے نسبت تمہاری
دلا دینا خدا سے مجھ کو جنت
تمہارا ہے خدا جنت تمہاری
شبِ اسریٰ کھلا اسرار کوہ طور
عروج بندگی بن گئی رفعت تمہاری
عمل بے جان عبادت رائیگاں ہے
اگر شامل نہ ہو الفت تمہاری
طوافِ نور کرتی ہیں نگاہیں
جو دیکھی خواب میں صورت تمہاری

Urdu Naat Lyrics, Naat with Lyrics | Naat Lyrics Urdu | Naat Lyrics a to z

ملے گا آرزوؔ کو قربِ مولا
ہے حاصل گر اسے قربت تمہاری